एटीएममा नगद नहुँदा धेरै पटक सेवाग्राहिले समस्याको सामना गर्नुपर्ने हुन्छ । यसैलाई ध्यानमा राख्दै आरबीआईले एटीएममा नगद सकिएमा बैंकहरुलाई जरिवाना लगाउने निर्णय गरेको छ । यो नयाँ नियम अक्टोबर १ बाट लागू हुने जनाइएको छ ।
१० हजार जरिवाना
आरबीआईको निर्देशन अनुसार अक्टोबर १, २०२१ देखि यदि कुनै बैंकको एटीएममा १० घण्टा वा सो भन्दा बढि समयसम्म नगद नभएमा १० हजार रुपैयाँ जरिवाना लगाउन सकिनेछ । आरबीआईले एक परिपत्र जारी गर्दै एटीएमको माध्यमबाट मानिसहरुलाई पर्याप्त नगद सुनिश्चित गर्नका निम्ति यो कदम चालेको उल्लेख गरेको छ ।
