नियमको पालना नगर्ने बैंकहरुलाई भारतीय केन्द्रीय बैंकले जरीवाना लगायो


भारतीय रिजर्व बैंकले केही प्रावधानहरूको पालना नगरेकोमा भारतको सार्वजनिक क्षेत्रको बैंक अफ इन्डीयालाई पाँच करोड रूपैयाँको जरिवाना लगाएको छ । यसबाहेक, केन्द्रीय बैंकले एनपीए नियमहरू पालना नगरेकोमा कर्नाटक बैंकलाई पनि १.२ करोड रूपैयाँको जरिवाना लगाएको छ ।
रिजर्व बैंकले एक विज्ञप्ति जारी गर्दै केन्द्रीय बैंकको निर्देशनालयका केही प्रावधानहरूको पालना नगरेकोमा बैंक अफ इण्डिया (बीओआई) लाई पाँच करोडको जरिवाना लगाएको बताएको हो । निरीक्षण गर्दै जाँदा बैंकले केही निर्देशनहरूको पालना नगरेकाले बीओआइलाई नोटीस पनि दिइएको थियो ।
नोटीसमा बैंकले जवाफ र व्यक्तिगत सुनुवाई पछि बैंकलाई जरीवाना लगाउने निर्णय भएको छ । त्यस्तै, रिजर्व बैंकले कर्नाटक बैंकलाई १.२ करोड जरिवाना लगाएको छ । केन्द्रीय बैंकले आयकर मान्यता र सम्पत्ति वर्गीकरण (आईआरएसी) नियममा दिइएका निर्देशनहरूको पालना नगरको कारण सारस्वत सहकारी बैंकलाई पनि ३० लाख रुपैँयाको जरिवाना लगाएको छ ।