स्वीस बैंकमा पैसा राख्ने भारतीयको संख्या क्रमशः घट्दै गएको पाइएको छ । सन् २००७सम्मको अवधिमा स्वीसमा पैसा राख्ने मुलुकहरुको शीर्ष ५०को सूचीभित्र पर्ने गरेको भारत हाल ८८ औँ स्थानमा छ । सन् २०१४मा भारत यो सूचिको ६१ औँ स्थानमा थियो भने २०१५मा ७५औँ स्थानमा थियो ।
हाल आधिकारिक रुपमा स्वीस बैंकमा पैसा राख्ने भारतीयको संख्या सबै विदेशीको संख्याको ०.०४ प्रतिशत मात्रै छ । यो सूचिको पहिलो नम्बरमा बेलायत रहेको छ । कुल विदेशीको २५ प्रतिशतभन्दा बढी बेलायतीले स्वीस बैंकमा पैसा राखेका छन् ।
