Banking Khabar
ट्रेन्डिङ: वित्तीय अपराध जेन्जी पुस्ता अन्तर्राष्ट्रिय बैंकिङ भारतीय बैंकिङ हाइलाइट राष्ट्र बंक बैंक-वित्त इन्स्योरेन्स
मुख्य

इन्नोभेटिभ र अरनिकोलाई किनेको सेञ्चुरीले कहिले सुरु गर्दैछ एकीकृत कारोबार ?

२०७४ जेष्ठ २२ गते

इन्नोभेटिभ डेभलपमेन्ट बैंक र अरनिको डेभलपमेन्ट बैंक लिमिटेडलाई खरिद गरेर सेञ्चुरी कर्मर्सिल बैंकले यही जेठ २८ गतेदेखि एकीकृत कारोबार सुरु गर्ने भएको छ । हाल तीन अर्ब ६८ करोड ९० लाख रुपैयाँ मात्रै चुक्तापुँजी भएको सेञ्चुरीले पुँजीवृद्धिका लागि भैरहवामा केन्द्रीय कार्यालय रहेको इन्नोभेटिभ डेभलपमेन्ट बैंक र बनेपामा केन्द्रीय कार्यालय रहेको अरनिको डेभलपमेन्ट बैंकलाई प्राप्ती (एक्विजिसन) गरेको हो । 

सेञ्चुरी, अरनिको तथा इन्नोभेटिभले गत आर्थिक वर्षमा गरेको मुनाफा वितरण गरिसकेका छन् । यी दुवै विकास बैकलाई गाभेपछि सेञ्चुरी बैंकको चुक्तापुँजी पाँच अर्ब नाघ्नेछ । 

यसबाहेक, बैंकले अल्पाइन डेभलपमेन्ट बैंक, सगरमाथा फाइनान्स र सेती फाइनान्ससँग पनि एक्विजिसन सम्झौता गरेको छ । पाँच वटै संस्था एक्वायर गरेपछि सेञ्चुरीको चुक्तापुँजी झन्डै सात अर्ब रुपैयाँ पुग्नेछ ।  
 

Ad