स्वदेशी लघुबित्त वित्तीय सस्था लिमिटेडले बुधबार (चैत्र २९ गते) सम्म निष्काशन गरेको प्राथमिक सेयर (आईपिओ) मा झन्डै तीन अर्ब रुपैयाँ बराबरको आवेदन परेको छ । कुल ८१ हजार आवेदनमार्फत उक्त अनुपातमा आवेदन परेको कम्पनीको सेयर निष्काशन तथा विक्री प्रबन्धक एनएमबि क्यापिटल लिमिटेडले जनाएको छ ।
लगानीकर्ताले सेयरमा आवेदन दिनका लागि आस्वाभन्दा बढी पूरानै शैलीलाई रोजेका छन् । एनएमबि क्यापिटलका अनुसार, आस्वामार्फत एक अर्ब छ करोड रुपैयाँ र पुरानै शैलीमा एक अर्ब ७३ करोड रुपैयाँ बराबरको आवेदन परेको छ ।
लघुवित्तले एक सय रुपैयाँ अंकित मूल्यमा दुई करोड ७३ लाख रुपैयाँ बराबरको दुई लाख ७३ हजार कित्ता सेयर निष्काशन गरेको थियो ।
