नेपालमा रहेका प्रतिबन्धित पाँच सय र एक हजार दरका नोट सटहीको विषय अब छिटै नै टुंगो लाग्ने भएको छ । भारतीय वित्तमन्त्री अरुण जेट्लीले नेपालमा रहेका प्रतिबन्धीत भारतीय नोट सटहीको सम्बन्धमा आफ्नो तर्फबाट विशेष पहल गर्ने प्रतिबद्धता व्यक्त गरेको छन् । विहीबारदेखि राजधानीमा जारी नेपाल लगानी सम्मेलनमा प्रमुख वक्ताको रुपमा आएका जेट्लीले शुक्रबार विहान भएको छोटो पत्रकार भेटघाटका क्रममा यस्तो बताएका हुन् । उनका अनुसार, भारु सटहीका विषयमा दुई देशबिच कुराकानी भइरहेको छ । यस विषयमा छिटै नै निर्णय गरिने समेत उनले बताए ।
जेट्लीले विहीबार साँझ नेपाल राष्ट्र बैंकका गभर्नर डा. चिरंजीबि नेपालसँग होटल द्धारिकामा विशेष भेटवार्ता गरेका थिए । सो क्रममा उनले नेपालमा लगानी बढाउनको लागि आयोजना गरिएको सम्मेलनप्रति आफू धेरै नै खुसी भएको बताएका थिए ।
