बैंकिङ खबर / विभिन्न बैंकका १ सयि ४० बढी शाखा बन्द हुँदै विभिन्न बैंकवित्तले धमाधम शहरी इलाकामा रहेका शाखाहरु बन्द गर्न थालेका छन् । बड्दो डिजिटलाइजेशनका कारण बैंकहरुले आफ्ना शाखा बन्द गर्न लागेका हुन् । हालसम्म ११ वटा बैंकहरुले १ सय ४० भन्दा बढी शाखाहरु बन्द गर्ने तयारी गरेका छन् । यसअघि केन्द्रीय बैंकले महानगर क्षेत्रमा शाखा बन्द गर्न केन्द्रीय बैंकको अनुमति आबश्यक नपर्ने निर्देशीका जारी गरेको थियो ।
अहिले बाणिज्यस्तरका बैंकहरुले शाखा बन्द गर्ने र नजिकको शाखामा मर्ज गरेर कारोबार गर्ने तालिका अघि सारेका छन् । केही विकास बैंकहरुले पनि आफ्ना शाखाहरु मर्ज गर्ने तयारी गरेका छन् । एनआईसी एसिया बैंकले सबैभन्दा धेरै शाखा बन्द गर्न लागेको छ । कुनै बेला आक्रामक भएर धेरै शाखा खोलेको उक्त बैंक धेरै शाखा बन्द गर्ने बैंकको सूचिमा पनि अग्रसर देखिएको छ । एनआईसी एसिया बैंकले ४४ वटा शाखालाई एकआपसमा मर्ज गर्दे छ । महानगर भित्र रहेका शाखाहरु मर्ज गर्न यस अघिनै बाटो खुलीसकेको हुँदा बैंकहरु यसमा केन्द्रीत भएका छन् । बैंकहरुले शाखा बन्द गर्नुपूर्व ९० दिनअघि सार्वजनिक सूचना जारी गरेर सम्बन्धित निकायहरुलाई सूचना गरेपछि शाखा मर्ज गर्न सकिने व्यबस्था छ ।
शाखा मर्ज हुँदा मुख्यरूपमा बैंकहरूको सञ्चालन खर्च घट्नुका साथै व्यबस्थापनमा सहज हुने छ । उक्त बैंकले काठमाडौंका शाखाहरु नागपोखरी, पुतलीसडक, दरबारमार्ग, ज्ञानेश्वर र बागबजार शाखा कमलादीमा, बोहोराटार, माछापोखरी र ढुङ्गेधाराका शाखा, न्यूरोड खिचापोखरी, भोटाहिटी र किलागल, तिन्चुली र चाबहिल शाखा हटाउन लागेको छ । अनामनगर, शङ्खमूल,, मध्य बानेश्वर, सिनामंगल, मित्रपार्क, कालोपुल, नरेफाँट, वालुवाटार, कपन गोंगबु, सोह्रखुट्टे लगायतका शाखा मर्जरमा लैजाने भएको छ । यसैगरी ललीतपुर ग्वार्को, खुमलटार, लगनखेल, मंगलबजार, खोकनाका शाखा हटाइने छ । काठमाडौं बाहीर पनि बेंकले शाखाहरु मर्जर गरेर नजिकका शाखा कटौटी गर्ने तयारी सुरु गरेको छ ।
यसैगरी नपाल इन्भेष्टमेन्ट मेगा बैंकले १८ शाखा बन्द गर्ने भएको छ । कुमारी बैंकले १६ वटा शाखा तथा ८ वटा शाखारहीत काउन्टरहरू बन्द गर्ने भएको छ ।
प्रभु बैंकले १४ वटा शाखा बन्द गर्ने भएको छ । ग्लोबल आईएमई बैंकले ८ वटा शाखा बन्द गर्ने भएको छ भने माछापुच्छ्रे बैंकले पनि ८ वटा शाखा बन्द गर्ने भएको छ । सिद्धार्थ बैंकले ८ वटा शाखा, प्राइम कमर्सियल बैंकले ७ वटा शाखा, नबिल बैंकले ७ वटा शाखा, एनएमबि बैंकले ४ वटा शाखा बन् गर्ने भएको छ । लक्ष्मी सनराईज बैंकले आधा दर्जन शाखा बन्दको तयारी गरेको छ भने सरकारका तीनवटै बैंकहरु शाखा मर्जरको तयारीमा छन् । केन्द्रीय बैंकले पहिलो चरणमा महानगरपालीका भित्र रहेका बैंकका शाखा एक आपसमा गाभ्नका लागि सहजिकरण गरेपछि बेंकहर धमाधम शाखा बन्द गर्न थालेका हुन् । बढ्दो डिजिटलाइजेशनका कारण बैंकवित्तमा धेरै शाखाहरु आवश्यक नपर्ने भएको हो ।
