बीमा समितिका नव नियुक्त अध्यक्ष चिरञ्जीवि चापागाँईले मुलुकमा हाल बीमा क्षेत्रमा आबद्ध हुनेहरुको संख्या थोरै भएका कारण यसको दायरा बढाउने काम आफ्नो मुख्य प्राथमिकतामा रहने बताएका छन् । मुलुकमा हाल ७ प्रतिशत मात्रै नागरिकले बीमा गर्ने गरेको विभिन्न अर्थशास्त्रीहरुको भनाई छ । यो अबस्थामा बीमा समितिको अध्यक्ष बनेका उनले देशैभर बीमा जागरण ल्याउनुपर्ने खाँचो औल्याएका छन् । बैंकिङ खबरसँगको कुराकानीमा उनले आफ्नो पहिलो प्राथमिकता बीमा बुझाउने र बीमा क्षेत्रको दायरा फराकिलो बनाउँदै आम नागरिकलाई यसको आबश्यकता र महत्व दर्शाएर देशैभरी बीमाको लहर ल्याउने रहेको बताए ।
