नेपाल एसबिआई बैंकको फर्दर पब्लिक अफरिङ (एफपिओ) पुस १० गतेदेखि खुल्ने भएको छ । बैंकले १०० रुपैयाँ अंकित मूल्यमा ८७१ रुपैयाँ प्रिमियम थप गरी ९७१ रुपैयाँ प्रति कित्तामा एफपिओ जारी गर्न लागेको हो । बैंकले संस्थापक र सर्वसाधारणको शेयर स्वामित्व ७०ः३० कायम गर्नका लागि ६७ हजार ७६७ कित्ता सेयरको नयाँ निष्काशन गर्न लागेको हो । बैंकको सेयरलाई इक्रा नेपालले ग्रेड २ रेटिङ दिएको छ ।
बैंकको एफपिओमा लगानीकर्ताले पुस १० गतेदेखि छिटोमा पुस १३ र ढिलोमा पुस २४ सम्म आवेदन दिनसक्ने छन् । सेयरमा न्यूनतम १० कित्ता र बढीमा ६७० कित्तासम्म आवेदन दिन सकिने बताइएको छ । नेपाल एसबिआई बैंकका उपत्यकाभित्र र बाहिरका विभिन्न शाखाहरु, काठमाडौँको नागपोखरीस्थित एनएमबि क्यापिटल लिमिटेड र हात्तिसारस्थित एसबिआई मर्चेन्ट बैंकिङ लिमिटेडमार्फत आवेदन दिन सकिनेछ ।
३ अर्ब ८८ करोड ३७ लाख रुपैयाँ चुक्तापुँजी रहेको बैंकको एफपिओ जारी गरेपछि चुक्तापाुँजी तीन अर्ब ८९ करोड रुपैयाँ नाघ्नेछ । यसबाहेक, बैंकले २८ प्रतिशत बोनस समेत जारी गर्दैछ । बोनस जारी गरेपछि बैंकको चुक्तापुँजी चार अर्ब ९७ करोड रुपैयाँ पुग्नेछ ।
