न्यूनतम ९० देखि अधिकतम ३१० सम्म हवई भाडा घाडा घटाइएको छ । निजी विमान संचालकहरुको संस्था एयरलाइन्स अपरेटर्स एसोसिएसन अफ नेपालले भाडा घटाएको हो । सबैभन्दा कम काठमाडौँ–सिमराको हवाइ भाडा ९० रुपैयाँ घटाइ २ हजार पाँच रुपैयाँ कायम भएको छ ।
काठमाडौँ–धनगढीको भाडा तीन सय १० रुपैयाँ घटाएर नयाँ भाडा दर १० हजार १ सय रुपैयाँ कायम गरिएको छ भने काठमाडौँ–मुस्ताङको भाडा तीन सय रुपैयाँले घटाएर आठ हजार पाँच सय २५ रुपैयाँ कायम गरिएको छ । त्यसैगरी काठमाडौँ– पोखराको भाडा एक सय ३५ रुपैयाँले घटाएर नयाँ भाडा दर चार हजार १० रुपैयाँ कायम गरिएको छ ।
नेपाल आयल निगमले सोमबार रातीबाट लागु हुने गरी हवाई इन्धनको मूल्य प्रति लिटर ८ रुपैँया घटाएपछि एसोसियसनले भाडा घटाएको हो ।
हेर्नुस घटेको दरको भाडा
