आईसीएफसी फाइनान्सले १७ प्रतिशत बोनस सेयर दिने भएको छ । कम्पनीको सोमबार सम्पन्न १३ औँ साधारणसभाले प्रस्तावित उक्त बोनस सेयर पारित गरेको छ । हाल कम्पनीको चुक्तापुँजी ६८ करोड ५२ लाख ८५ हजार रुपैंया रहेको छ । उक्त बोनस वितरणपछि कम्पनीको पुँजी ८० करोड नाघ्नेछ । यससँगै राष्ट्र बैंकको निर्देशनअनुरुप ८० अर्ब पुँजी पुर्याउनेमा आईसीएफसी पहिलो फाइनान्स कम्पनी बनेको छ ।
कम्पनीको सञ्चालक समितिले १७ प्रतिशत बोनस तथा शुन्य दशमलव ८९ प्रतिशत नगद लाभांस बितरणको प्रस्ताव गरेको थियो ।
