Banking Khabar
ट्रेन्डिङ: वित्तीय अपराध जेन्जी पुस्ता अन्तर्राष्ट्रिय बैंकिङ भारतीय बैंकिङ हाइलाइट राष्ट्र बंक बैंक-वित्त इन्स्योरेन्स
मुख्य

तीव्र गतिमा आर्थिक वृद्धि गर्ने मुलुकहरुमा नेपाल तेस्रो, भारत र चीनलाई पछि पार्यो

२०७४ जेष्ठ २९ गते

२०१७ मा तीव्र गतिमा आर्थिक वृद्धि गर्ने मुलुकहरुको सूचिमा नेपाल तेस्रो स्थानमा पर्ने प्रक्षेपण गरिएको छ । बिश्व बैंकको ‘ग्लोबल इकोनोमिक प्रोसपेक्ट्स’ रिर्पोटले यस्तो प्रक्षेपण गरेको हो । बिश्व बैंकले नेपालले सन् २०१७ मा ७.५ प्रतिशत आर्थिक बृद्धि गर्ने प्रक्षेपण गरेको छ । 

नेपालका दुई छिमेकी मुलुकहरु भारत र चीन भने क्रमशः चौथो र १६औँ स्थानमा पर्ने प्रक्षेपण गरिएको छ । यी दुई मुलुकको आर्थिक वृद्धि क्रमशः ७.२ प्रतिशत र ६.५ प्रतिशत रहने अनुमान गरिएको हो ।

यो सूचिको पहिलो स्थानमा भने इथोपिया रहेको छ । यो मुलुकको २०१७ मा ८.३ प्रतिशत आर्थिक वृद्धि हासिल गर्ने रिपोर्टले देखाएको छ । त्यस्तै, दोस्रो स्थानमा उजबेकिस्तान रहेको छ, जसकाृ आर्थिक वृद्धि ७.६ प्रतिशत रहने अनुमान छ ।

बिश्वको जीडीपी बृद्धिदर भने २.७ प्रतिशत मात्र हुने विश्व बैंकको अनुमान छ । बिश्व ब्यापार ४ प्रतिशतले बढ्ने अनुमान छ । सन् २०१६ मा बिश्व ब्यापार २।४ प्रतिशत थियो ।

Ad