एनएमबि बैंक लिमिटेडले एक करोड चार लाख कित्ता फर्दर पब्लिक अफरिङ (एफपिओ) जारी गर्ने भएको छ । बैंकले सर्वसाधारण र संस्थापक सेयरको अनुपात ४९ः५१ कायम गर्न सर्वसाधारणतर्फको सेयरको नयाँ निष्काशन गर्न लागेको हो ।
बैंकले एफपिओको मूल्य प्रतिसेयर ५३३ निर्धारण गरेको छ । सेयर निष्काशनको अनुमतिका लागि दोस्रो बजारको मूल्यमा घटबढ भए एफपिओको मूल्यमा पनि केही परिवर्तन आउन सक्ने बताइएको छ ।
बैंकले प्रस्ताव गरेकै मूल्यमा सेयर निष्काशन गरेमा बैंकको चुक्तापूँजीमा एक अर्ब १४ करोड रुपैयाँ थपिनेछ । प्रिमियमबाट संकलित बाँकी रकम जगेडा कोषमा जाने छ ।
