बीमा कम्पनीहरुको नियामक निकाय बीमा समितिले बीमा कम्पनीहरुको चुक्तापुँजीको सीमा निर्धारण गरेको छ । समितिले शुक्रबारदेखि नै लागू हुने गरी बीमा कम्पनीहरुको चुक्तापुँजी चार गुणा बढाउने निर्णय गरेको हो । जसअनुसार, अब जीवन बीमा कम्पनीहरुले दुई अर्ब र निर्जिवन बीमा कम्पनीहरुले एक अर्ब चुक्तापुँजी पुर्याउनुपर्ने भएको छ ।
हालसम्म जीवन बीमा कम्पनीको न्यूनतम चुक्तापुँजी ५० करोड र निर्जिवन बीमा कम्पनीहरुको २५ करोड रुपैयाँ अनिवार्य हुनुपर्ने पवधान छ । उक्त चुक्तापुँजीलाई चार गुणा वृद्धि गर्न समितिले बीमा कम्पनीहरुलाई ०७५ असार मसान्तसम्मको समयावधि दिएको छ ।
हाल नेपालमा ९ वटा जीवन बीमा र १७ वटा निर्जिवन बीमा कम्पनी सञ्चालित छन् ।
