एनएमबी बैंकले विभिन्न पदका लागि दरखास्त आह्वान गरेको छ । बैंकले केही संख्यामा मेनेजमेन्ट प्रशिक्षार्थी, रिलेसनसिप मेनेजर, एसिस्टेन्ट रिलेसनसिप मेनेजर, अपरेसन इनचार्ज र ब्रान्च मेनेजर माग गरेको हो ।
मेनेजमेन्ट प्रशिक्षार्थीले बैंकका सबै क्षेत्रको औपचारिक प्रशिक्षण पाउनेछन् । प्रशिक्षण अवधि सकिएपछि उनीहरुको काम हेरेर जिम्मेवारी दिइने बताइएको छ । यसका लागि कुनै पनि विषयमा पहिलो श्रेणीमा स्नातकोत्तर गरेको र २८ वर्ष उमेर ननाघेको हुनुपर्नेछ ।
रिलेसनसिप मेनेजरका लागि कम्तीमा कुनै पनि विषयमा स्नातकोत्तर गरेको र तीन वर्ष रिलेसनसिप मेनेजमेन्ट सम्बन्धि काम गरेको हुनुपर्नेछ । स्नातकोत्तर गरेका र फाइनान्स, मेनेजमेन्ट अथवा लेखा विषयमा अध्धयन गरेकालाई प्राथमिकता दिइनेछ ।
एसिस्टेन्ट रिलेसनसिप मेनेजरका लागि पनि विजनेस, फाइनान्स, मेनेजमेन्ट या लेखा विषयमा स्नातकोत्तर गरेको हुनुपर्नेछ । कुनै पनि विषयमा स्नातक या स्नातकोत्तर गरेकाले पनि निवेदन दिन सक्नेछन् । साथै, वाणिज्य बैंकमा दुई वर्ष (कम्तीमा एक वर्ष क्रेडिट अथवा रिलेसनसिप मेनेजमेन्टमा रहेर) काम गरेको हुनुपर्नेछ ।
अपरेसन इन्चार्जको हकमा विजनेस, फाइनान्स, मेनेजमेन्ट या लेखामा स्नातकोत्तर गरेको वाणिज्य बैंकमा दुई वर्ष (कम्तीमा एक वर्ष अपरेसन विभागमा रहेर) काम गरेको हुनुपर्नेछ । कुनै पनि विषयमा स्नातक या स्नातकोत्तर गरेकाले पनि आवेदन दिन पाउनेछन् ।
ब्रान्च मेनेजरका लागि फाइनान्स, मेनेजमेन्ट या लेखा विषयमा स्नातकोत्तर गरी कम्तीमा तीन वर्ष बैंकिङ क्षेत्रमा ब्रान्च मेनेजमेन्टको जिम्मेवारी सम्हालेको हुनुपर्नेछ । कुनै पनि विषयमा स्नातक या स्नातकोत्तर गरेकाले पनि दरखास्त दिन सक्नेछन् ।
इच्छुक तथा बैंकले तोकेबमोजिम योग्यता पुगेका उम्मेदवारले असोज ९ गतेभित्र बैंकमा सम्पर्क गरिसक्नुपर्नेछ ।
