बैंकिङ खबर/सिद्धार्थ इन्स्योरेन्सले प्रस्ताव गरेको १५.७९ प्रतिशत लाभांश पारित भएको छ । शुक्रबार सम्पन्न कम्पनीको १९ औं वार्षिक साधारण सभाले गत आर्थिक वर्षको मुनाफाबाट प्रस्तावित उक्त लाभांश पारित गरेको हो । कम्पनीको हाल कायम चुक्ता पूँजीको १२ प्रतिशतले हुन आउने १२ करोड रुपैयाँ बोनस शेयर र कर प्रयोजन सहित ३।७९ प्रतिशतले हुन आउने ३ करोड ७८ लाख ९४ हजार रुपैयाँ नगद लाभांश प्रस्ताव गरेको थियो ।
हाल कम्पनीको चुक्ता पूँजी १ अर्ब रुपैयाँ रहेको छ । बोनस शेयर वितरण पछि कम्पनकिो चुक्ता पूँजी एक अर्ब १२ करोड रुपैयाँ पुग्नेछ । उक्त प्रस्तावित लाभांश शुक्रबार सम्पन्न वार्षिक साधारण सभाले पारित गरेको हो । यस्तै कम्पनीले प्रबन्धपत्र तथा नियमावली संशोधन गर्ने तथा गत आर्थिक वर्षको वित्तीय विवरणको प्रतिवेदन समेत पारित गरेको छ ।
