बैंकिङ खबर । सानिमा जनरल इन्स्योरेन्स कम्पनी लिमिटेडको १ करोड कित्ता शेयर नेपाल स्टक एक्सचेञ्ज (नेप्से)मा सूचीकृत भएको छ । कम्पनीले जारी गरेको ३० लाख कित्ता साधारण शेयर (आइपिओ) सहित उक्त परिमाणमा शेयर सूचीकृत भएको हो । नेप्सेले कम्पनीको पहिलो कारोबारका लागि न्युनतम १०३.७३ रुपैयाँ देखि अधिकतम ३११ रुपैयाँ १९ पैसासम्मको कारोबार रेञ्ज प्रदान गरेको छ । यसअनुसार बुधबार कम्पनीको पहिलो कारोबार अधिकतम ३११ रुपैयाँमा कारोबार खुल्नेछ । सानिमा जनरल इन्स्योरेन्सको शेयर कारोबार गर्नका एसजिआइ कारोबार संकेत प्रदान गरेको छ ।
