बुधबार सुन महँगिएको छ । सोमबार र मंगलबार स्थिर रहेको सुनको भाउ बुधबार तोलाको ५ सय रुपैयाँका दरले महँगिएको हो । नेपाल सुनचाँदी व्यवसायी महासंघका अनुसार बुधबार छापावाल सुन तोलाको ५९ हजार ५ सय रुपैयाँका दरले कारोबार भइरहेको छ भने तेजावी सुन तोलाको ५९ हजार २ सय ५० रुपैयाँका दरले किनबेच भइरहेको छ । यसअघि, मङ्गलबार छापावाल सुनको भाउ प्रतितोला ५९ हजार रुपैयाँ थियो भने तेजावी सुनको भाउ तोलाको ५८ हजार ७ सय ५० रुपैयाँ थियो ।
चाँदी पनि बुधबार तोलाको १० रुपैयाँका दरले महँगिएको छ । मङ्गलबार तोलाको ९ सय १० रुपैयाँमा दरले किनबेच भएको चाँदी बुधबार तोलाको ९ सय २० रुपैयाँमा किनबेच भइरहेको महासंघले जनाएको छ ।
