बैंकिङ खबर । ज्योति लाईफ इन्स्योरेन्स कम्पनी लिमिटेड आजबाट तेश्रो वर्ष सफलताका साथ पुरा गरि चौथो वर्षमा प्रवेश गरेको छ । २०७४ आश्विन ८ गतेबाट औपचारिक रुपमा ज्योति लाईफले व्यवसाय शुभारम्भ गरेको हो । घातक रोग सहितको सेवादिने पहिलो नेपाली जीवन बीमा कम्पनीको रुपमा व्यवसाय प्रारम्भ गरेको यस कम्पनीले बैशाख २५, २०७६ देखि सर्वाधिक ३५ वटा घातक रोग विरुद्ध अधिकतम ५० लाख सम्मको सुविधा दिने एक मात्र कम्पनी बन्न सफल भएको छ ।११७ वटा शाखा सञ्जाल सहित सातै प्रदेशको ७२ जिल्लाबाट सेवा प्रवाह गर्दै तेश्रो आर्थिक बर्षमा झन्डै दुई अर्ब कुल बीमा शुल्क संकलन गर्न सफल भएको छ । ISO 9001:2015 गुणस्तर चिन्ह प्रमाण पत्र यस कम्पनीले बीमितहरुलाई बोनस बृद्धि सहित सल्भेन्सी अनुपात १।८३ कायम गरेको छ भने कुललगानी ३।५० अर्ब र २ अर्बको जीवन बीमा कोष बनाउन सफल हुँदै चौथो बर्षमा प्रवेश गरेको छ । यस सुखद अवसरमा समस्त बीमित, अभिकर्ता, कर्मचारी, शेयरधनी, नियमक निकाय तथा शुभचिन्तकहरुलाई हार्दिक आभार व्यक्त गर्दै आगामि दिनमा पनि ग्रनिरन्तर साथको अपेक्षा रहेको कम्पनीका कार्यकारी प्रमुख प्रकाश बिक्रम खत्रीले जानकारी गराउनुभयो ।
