आइतबार सुन तोलाको ५ सय रुपैयाँका दरले महँगिएको छ । नेपाल सुनचाँदी व्यवसायी महासंघका अनुसार आइतबार छापावाल सुन तोलाको ५८ हजार ८ सय रुपैयाँका किनबच भइरहेको छ भने तेजाबी सुन तोलाको ५८ हजार ५ सय ५० रुपैयाँका दरले किनबेच भइरहेको छ । यसअघि गत साताको शुक्रबार छापावाल सुन तोलाको ५८ हजार ३ सय रुपैयाँका किनबेच भइरहेको थियो भने तेजाबी सुन तोलाको ५८ हजार ५० रुपैयाँका दरले किनबेच भइरहेको थियो ।
आइतबार चाँदी पनि तोलाको ५ रुपैयाँका दरले महँगिएको छ । शुक्रबार तोलाको ९ सय ५ रुपैयाँमा कारोबार भइरहेको चाँदी आइतबार तोलाको ९ सय १० रुपैयाँका दरले कारोबार भएको महासंघले जनाएको छ ।
