नेपालमा थप १८ जनामा कोरोना संक्रमण पुष्टि भएको छ । धनुषा निवासी २ जना पुरुष, खोटाङ हलेसी निवासी एकजना पुरुष, बाँके नरैनापुर निवासी १२ जना पुरुष, दैलेख आठबिस १ निवासी १ जना पुरुष, सुनसरी निवासी एकजना पुरुष र झापा निवासी एकजना पुरुषमा कोरोना देखिएको र उनीहरु सबैको स्वास्थ्य सामान्य रहेको मन्त्रालयले जनाएको छ । यो सँगै हाल देशभर कोरोना संक्रमितको संख्या ३७५ पुगेको छ । संक्रमित मध्ये हालसम्म ३६ जना निको भएका छन् भने २ जनाको मृत्यु भएको छ ।
