लघुवित्त बैंकहरुको छाता संगठन लुघुवित्त विकास बैंकर्स संघका अध्यक्ष धर्मराज पाण्डेले राष्ट्रिय स्तरको थोक कर्जा प्रदान गर्ने लघुवित्त संस्थाहरुको पुँजी वृद्धि गर्ने मौद्रिक नीतिको व्यवस्थाको स्वागत गरेका छन् । बैंकिङ खबरसंग प्रतिक्रिया दिँदै अध्यक्ष पाण्डेले भने, ‘यो राम्रो व्यवस्था हो । उनीहरुको वित्तीय अवस्था यो व्यवस्थाले सुधार ल्याउने अपेक्षा छ ।’
राष्ट्र बैंकले सार्वजनिक गरेको मौद्रिक नीतिमा राष्ट्रिय स्तरको थोक कर्जा प्रदान गर्ने लघुवित्त संस्थाहरुले २०७५ असार मसान्तसम्म न्यूनतम् चुक्ता पुँजी ६० करोड कायम गनुपर्ने व्यवस्था गरेको छ ।
