नेपालमा कोरोना भाइरस संक्रमणबाट थप एक संक्रमितको मृत्यु भएको छ। बाँकेको क्वारेन्टाइनमा रहेका २५ वर्षीय पुरुषको कोरोनाका कारण आज विहान बाँकेको नरैनापुरस्थित क्वारेन्टाइनमा मृत्यु भएको थियो । यो सँगै नेपालमा कोरोनाका कारण ज्यान गुमाउनेको संख्या २ पुगेको छ । आज आयोजित स्वास्थ्य मन्त्रालयको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले उक्त युवाको क्वारेन्टाइनमा मृत्यु भएको पुष्टी गर्नुभएको हो ।
