आजका लागि अमेरिकी डलरको मूल्य रू.१२३ .२८
नेपाल राष्ट्र बैंकले शुक्रवार( आज) का लागि अमेरिकी एक डलरको विनिमय दर रू.१२३ र पैसा २८ ( विक्रीदर) तोकेको छ । यो हालसम्मकै उच्च हो ।
शुक्रवारका लागि केन्द्रीय बैंकले एक अमेरिकी डलरको खरीद दर भने रू. १२२ र ६८ पैसा तोकेको छ । पछिल्ला दिनमा डलरको तुलनामा नेपाली रुपैयाँ निरन्तर कमजोर बन्दै गएको छ । अमेरिकी डलरको तुलनामा भारु कमजोर भएपछि रुपियाँ पनि कमजोर बन्न पुगेको हो ।
तर नेरु र भारुबीच विनिमय दर भने स्थिर नै छ । स्थिर विनिमय दर भएता पनि नेपालको कुल वैदेशिक व्यापारको ठूलो हिस्सा भारतमा निर्भर रहेको अवस्था छ । जसले गर्दा भारुको विनिमय दर घटबढ हुँदा नेपाली रुपैयाँ पनि प्रभावित बन्ने गरेको छ ।
विश्वव्यापी रुपमा कोरोना भाइरसको संक्रमणका साथै मृत्युदर बढ्दै जाँदा विश्वबजारमा अमेरिकी डलरप्रतिको आकर्षण बढेको अवस्था छ । जसको असर नेपाली मुद्रामा पनि परेको छ ।
हेर्नुहोस आजको लागि तोकिएको विनिमय दर:
आर्थिक अभियान दैनिकमा प्रकाशित समाचार ।
