बैंकिङ खबर । नेपाल राष्ट्र बैंकले ६४ करोड थान नोट छाप्ने जिम्मा चाइना बैंकनोट प्रिन्टिङ एन्ड मिन्टिङ कर्पोरेशनलाई दिएको छ । बैंकले १४ जनवरी २०२० मा द राइजिङ नेपाल राट्रिय दैनिकमा सूचना प्रकाशित गरेर ५ रुपैयाँ दरको ३० करोड थान र १० दरका ३४ करोड थान नयाँ नोट डिजाइन, छपाई तथा आपूर्तिका लागि बोलपत्र आह्वान गरेको थियो। अब ५ दरका ३० करोड थान र १० दरका ३४ करोड थान नोटको डिजाइन, छपाई आपूर्ति उक्त चिनीया कम्पनीले गर्ने भएको छ । राष्ट्र बैंकका अनुसार चिनीया कम्पनीसँग १० अप्रिल २०२० २०७६ चैत २८ गते ५ दरका ३० करोड थान नोट छाप्न अमेरिकी डलर ४३ लाख ९७ हजार ५०० मा र १० दरका ३४ करोड थान नोट छाप्न अमेरीकी डलर ४१ लाख ४० हजार ४०० मा सम्झौता भएको छ।
