कोरोना अपडेट : १,१९,६९१ जनाको मृत्यु, १९,२४,६६३ जना संक्रमित

बैंकिङ खबर ।महामारीका रुपमा फैलिएको कोरोनाभाइरसबाट विश्वभर १ लाख १९ हजार ६ सय ९१ जनाको ज्यान गइसकेको छ। यो संख्या मंगलबार बिहानसम्मको हो। हाल यो भाइरसबाट विश्वभर १९ लाख २४ हजार ६ सय ६३ जना संक्रमित भएका छन्। यसमध्ये ४ लाख ४५ हजार ५ जना बिरामी उपचारपछि निको भएर घर फर्किएका छन्। विश्वका २१० मुलुकमा फैलिएको कोरोना संक्रमण नेपालमा पनि देखिएको छ ।
पछिल्लो तथ्याङ्क अनुसार अमेरिकामा कोरोना भाइरस संक्रमितको संख्या ५ लाख ८६ हजार ९ सय ४१ पुगेको छ, जसमध्ये २३ हजार ६ सय ४० जनाको मृत्यु भएको छ। यस्तै, स्पेनमा १ लाख ७० हजार ९९ जना कोरोना संक्रमीत छन्। यहाँ हालसम्म १७ हजार ७ सय ५६ जनाको मृत्यु भएको छ। यता, इटालीमा १ लाख ५९ हजार ५ सय १६ जना कोरोनाका संक्रमित छन् यहाँ २० हजार ४ सय ६५ जनाको ज्यान गएको छ। कोरोनाबाट बढी प्रभावित हुने देशहरुमा अमेरिका, स्पेन, इटाली, जर्मनी, फ्रान्स, चीन जस्ता देशहरु रहेका छन् ।नेपालमा १४ जना कोरोना संक्रमित भेटिएको र १ जना निको भएर घर फकिैएको पुष्टि भएको छ भने हालसम्म कसैको मृत्यु भएको छैन ।