सुनको भाउ घटेको छ । बुधबार स्थिर रहेको सुनको भाउ विहिबार तोलाको ३ सय रुपैयाँका दरले घटेको हो । नेपाल सुनचाँदी व्यवसायी महासंघका अनुसार, बिहीबार छापावाल सुन तोलाको ५८ हजार रुपैयाँमा कारोबार भइरहेको छ भने तेजावी सुन तोलाको ५७ हजार ७ सय ५० रुपैयाँमा किनबेच भइरहेको छ ।
यसअघि बुधबार छापावाल सुन तोलाको ५८ हजार ३ सय रुपैयाँमा किनबेच भइरहेको थियो भने तेजावी सुन तोलाको ५८ हजार ५० रुपैयाँ किनबेच भइरहेको थियो ।
चाँदी तोलाको १० रुपैयाँका दरले बढेको महासंघले जनाएको छ । बुधबार तोलाको ८ सय २५ मा किनबेच भएको चाँदी बिहीबार तोलाको ८ सय ३५ मा किनबेच भइरहेको छ ।
