बैंकिङ खबर । नेपाल राष्ट्र बैंकले ५ अर्ब २५ करोड रुपैयाँको ट्रेजरी बिल विक्री गर्ने भएको छ । बैंकले यसअघि विक्री गरेको २८ दिन र ९१ दिन अवधिको बिल नविकरण गर्न लागेको हो । राष्ट्र बैंकले २८ दिनका लागि ३ अर्ब २५ करोड रुपैयाँको र ९१ दिनका लागि २ अर्ब रुपैयाँकोे ट्रेजरी बिल नविकरण गर्न लागेको हो ।
राष्ट्र बैंकले ट्रेजरी बिल खरिदका लागि बैशाख १६ गते सोमबार दिउसो ३ बजे सम्म आवेदन दिन सकिने जनाएको छ । बैंकका अनुसार ९१ दिनका लागि जारी गरेको ट्रेजरीबिल २०७६ साउन १४ गते परिपक्व हुनेछ । २८ दिनका लागि जारी गरेको बिल २०७६ जेठ १४ गते परिपक्व हुनेछ ।
