बैंकिङ खबर । फस्र्ट माइक्रोफाईनान्स लघुवित्त वित्तीय संस्थाको संचालक समितिको अध्यक्षमा सुरेन्द्रराज रेग्मी चयन भएका छन् । संस्थाको साधारणसभाले संस्थापक सेयरधनीहरुको समूहको तर्फबाट निर्विरोध निर्वाचित गरेको तीन जना संचालकहरुमध्येबाट संचालक समितिको बैठकले रेग्मीलाई अध्यक्ष पदमा चयन गरेको हो ।
संचालक पदमा संस्थापक सेयरधनीहरु सुरेन्द्रराज रेग्मी (प्रतिनीधि ग्लोबल आइएमई बैक), विवेकमान सिंह शाक्य (प्रतिनीधि देवः विकास बैक) र उमेश कटुवाल निर्वाचित भएका थिए । साधारणसभाकै दिन बसेको संचालक समितिको बैठकले अध्यक्ष पदमा रेग्मीलाई सर्बसहमतिबाट चयन गरेको हो ।
सञ्चालक समितिका नवनियुक्त अध्यक्ष सुरेन्द्र राज रेग्मीले नेपाल राष्ट्र बैंक, बैक तथा वित्तीय संस्था नियमन विभागका कार्यकारी निर्देशक नारायण प्रसाद पौडेलबाट सपथ ग्रहण पनि गरेका छन् ।
