महुली सामुदायिक लघुवित्त वित्तीय संस्थाले त्रैमासिक समिक्षा तथा बार्षिक बजेट तर्जुमा गोष्ठि २०७५ सम्पन्न गरेको छ । सप्तरीको महुलीमा बैशाख २७ र २८ गते दुई दिनसम्म संचालन भएको कार्यक्रममा १० जिल्लाका २९ वटा शाखाहरुवाट ३१ जना शाखा प्रबन्धक तथा प्रमुखहारुको सहभागिता रहेको थियो ।
२ दिनसम्म संचालन गरिएको उक्त गोष्टीको अध्यक्षता संस्थाका प्रबन्ध संचालक श्री रोशन कुमार मंडरले गर्नु भएको थियो । सो कार्यक्रममा संस्थाका विभागीय प्रमुखहरु सरोज कुमार सिंह, ललित प्रसाद चौधरी, रमेश चौधरी, हरि कोइराला र चन्द्र नारायण चौधरीले हाल शाखाहरुमा देखीएको समस्या, कर्मचारीहरुको गुनासो, कर्जा जोखिम, कर्मचारीहरुको मनोभावना, त्रैमासिक लक्षय र प्रगति, कर्जा ब्यवस्थापन तथा आ.व. २०७५।०७६ को वार्षिक योजना र बजेट लगायतका विषयहरुमा छलफल गरिएको थियो ।
कार्यक्रममा सस्थाको तर्फबाट प्रबन्ध संचालक रोशन कुमार मंडरले तेश्रो त्रैमासिकमा तोकिएको लक्ष्य परिपूर्ति गर्न सफल हुने शाखाका शाखा प्रबन्धक सहित कर्मचारीहरुलाई अझ बढी लक्षय तथा कार्यक्रम प्रति जिम्मेवार बनाउन र उनीहरुको कार्य प्रगतिको उच कदर गर्दै सम्मान स्वरूप कदर पत्र प्रदान गरिएको थियो ।
