आशा लघुवित्त वित्तीय संस्था लिमिटेडले शतप्रतिशत अर्थात एक बराबर एकको अनुपातमा हकप्रद सेयर निष्काशन गर्ने भएको छ । लघुवित्तको केन्द्रीय कार्यालयमा सम्पन्न विशेष साधारणसभाले एक बराबर एकको अनुपातमा हकप्रद सेयर निष्काशन गरी चुक्तापुँजी १४ करोड रुपैयाँ पुर्याउने निर्णय गरेको छ ।
साधारणसभाले हाल रहेको अधिकृत तथा जारी पुँजी दश करोड रुपैयाँलाई बृद्धि गरि २० करोड रुपैयाँ पुर्याउने निर्णय पनि गरेको छ । साधारणसभा प्रभु लाइफ इन्स्योरेन्सका अध्यक्ष रामबहादुर पाण्डेको प्रमुख आतिथ्यतामा सम्पन्न भएको थियो ।
फागुन मसान्तसम्ममा संस्थाको ग्राहक सदस्य २८ हजार पाँच सय ३५, लगानीमा रही रहेको कर्जा एक अर्व एक करोड ४६ लाख ३१ हजार दुई सय १० रुपैयाँ र बचत १८ करोड दुई लाख ९५ हजार नौ सय रुपैयाँ रहेको छ । संस्थाले २३ जिल्लामा जम्मा ३६ वटा शाखा कार्यालयहरु मार्फत न्युन आय भएका तथा विपन्नवर्गका महिलाहरुलाई कर्जा प्रदान गरेर उद्यमशील बनाइरहेको छ ।
