पुँजीवृद्धिका लागि यस्तो छ, बीमा संस्थानको योजना

बीमा कम्पनीहरुको नियामक निकाय बीमा समितिले बीमा कम्पनीहरुलाई चुक्तापुँजी बढाउन निर्देशन दिएपछि बीमा क्षेत्रमा पनि पुँजीवृद्धिको लहर चल्न थालेको छ । यसैबिच, सरकारी स्वामित्वमा रहेको जीबन बीमा कम्पनी राष्ट्रिय बीमा संस्थानले सर्बसाधारणलाई सेयर जारी गर्ने प्रस्ताव गरेको छ । चुक्ता पुँजी बढाउन संस्थानलाई कम्पनी मोडलमा परिणत गरी साधारण सेयर (आइपिओ) जारी गर्ने प्रस्ताव संचालक समितिले अघि सारेको हो । कम्पनीको ३० प्रतिशत सेयर सर्बसाधारणलाई दिने र बाँकी ७० प्रतिशत सरकार तथा सरकारी कम्पनीहरुकै राख्ने योजना कम्पनीको छ । बीमा समितिको निर्देशनबमोजिम जीवन बीमा कम्पनीहरुले ०७५ असार मसान्तसम्ममा चुक्तापुँजी दुई अर्ब रुपैयाँ पुर्याउनुपर्नेछ ।