जेष्ठ १३ गते लुक्लामा गोमा एयरको कार्गो विमान दुर्घटना हुँदा दिवगंत भएका पाईलट क्याप्टेन पारस कुमार राईको परिवारलाई एलआईसी नेपालले जीवन बीमाबापतको रकम प्रदान गरेको छ । स्वर्गीय राईले केही वर्ष अघि आफ्नो नाममा एलआईसी नेपालबाट रु. ५० लाख बीमाङ्कको सावधिक बीमा र छोरीको नाममा रु. ३० लाख बीमाङ्कको बालबीमा पोलिसी लिएका थिए । एलआईसी नेपालका कम्पनी सचिव विनोद भुजेल, एजेन्सी म्यानेजर विमल ढुंगाना र अभिकर्ता लाक्पा सोना शेर्पाले रु. ६५ लाख पच्चिस हजारको चेक मृतकको घरमा नै गई परिवारलाई हस्तानान्तरण गरेका छन् । एजेन्सी म्यानेजर विमल ढुंगानाका अनुसार छोरीको बाल बीमा अँन्तर्गत बा“की सम्पूर्ण विमाशुल्क मिनाहा हुनेछ र परिपक्वता समयपछि बीमाबापतको सम्पूर्ण रकम कम्पनीले प्रदान गर्नेछ ।
