निजी क्षेत्रको निर्जीवन बीमा कम्पनी ओरिएण्टल इन्स्योरेन्स कम्पनी लिमिटेडले चालु आर्थिक वर्षको तेस्रो त्रैमासमा २० करोड ४१ लाख रुपैयाँ खुद मुनाफा आर्जन गरेको छ । कम्पनीले गत आर्थिक वर्षको सोही अवधिको तुलनामा ५६ दशमलव ६४ प्रतिशत बढी नाफा कमाएको हो । गत आर्थिक वर्षको तेस्रोत्र त्रैमासमा ओरिएण्टलले १३ करोड तीन लाख रुपैयाँ खुद मुनाफा आर्जन गरेको थियो ।
कम्पनीको जगेडा तथा कोषमा आठ करोेड २१ लाख रुपैयाँ नेगेटिभमा राखिएको छ भने बीमा कोषमा ४३ करोड ७२ लाख रुपैयाँ राखिएको छ । कम्पनीको आम्दानी ५५ दशमलव २८ प्रतिशतले बढेर २३ करोड १५ लाख रुपैयाँ पुगेको छ । कम्पनीले यस अवधिमा ५२ करोड ७४ लाख रुपैयाँ बीमा शूल्क आर्जन गरेको छ भने ३० करोड दुई लाख रुपैयाँ बराबरको दाबी भुक्तान गरेको छ । यो अवधिमा कम्पनीले १० हजार पाँच सय ५६ वटा बीमा लेख जारी गरेको छ भने एक हजार ५६ वटा दाबी भुक्तान गरेको जनाएको छ ।
