बैंकिङ खबर/ साधना लघुवित्त वित्तीय संस्थाले आफ्नो संस्थागत सामाजिक उत्तरदायीत्व अन्तर्गत विविध सामाजिक कार्यहरु पनि वित्तीय संस्थाको स्थापनाकालदेखि नै अनवरत रुपमा गर्दे आइरहेको छ ।
वित्तीय संस्थामा आवद्ध ग्राहक सदस्यहरुमा वित्तीय ज्ञान, सीप, कला कौशल वृद्धि गरी चेतनाको स्तर वृद्धि गर्न, वित्तीय कारोबार प्रति सजग बनाउन र डिजिटल बैकिङ्गको अबधारणा ग्राहक सदस्यमा बुझाउन साथै उद्यमशिलताको लागी वित्तीय सचेतना भन्ने मूलमन्त्रका साथ हरेक वर्ष विविध शाखा कार्यालयहरु मार्फत् वित्तीय सचेतना अभियान सञ्चालन गर्ने क्रममा शाखा कार्यालय बारपाक अन्तर्गत धार्चे गाउँपालिका वडा नं ४ लाप्राकमा वित्तीय साक्षरता कार्यक्रम साथै स्वास्थ्य शिविर सम्पन्न गरेको छ ।
उक्त कार्यक्रममा धार्चे गा.पा.वडा ४ अध्यक्ष किसन गुरुङले साधना लघुवित्त वित्तीय संस्था लि.ले लाप्राक बासीलाई दिएको बित्तीय सेवाको उच्च मुल्याङन गर्दै यस वित्तीय संस्थाले भौगोलिक विकटताको बावजुद पनि यहाँसम्म आएर घरदैलो सेवा वित्तीय सेवा दिएकोमा संस्थालाई तथा संस्थामा कार्यरत कर्मचारीहरुलाइ हार्दिक आभार प्रकट गर्दै आगामी दिनमा पनि संस्थाको उत्तर –उत्तर प्रगतीको कामना गरे । उक्त कार्यक्रममा विभिन्न वार्डका जनप्रतिनिधिहरु, शिक्षक बुद्धिजिवी साथै समाजसेबी व्यक्तिहरुको उपस्थिति भएका थिए ।
संस्थाले आफ्ना ग्राहक सदस्यहरुलाई उत्कृष्ट वित्तीय सेवाको साथमा वित्तीय सचेतनाको साथै विभिन्न सामाजिक संस्थाहरुलाई संस्थागत सामाजिक उत्तरदायित्व बहन गर्दै आइरहेको कुरा यसै संस्थाका प्रमुख कार्यकारी अधिकृत रेशम न्यौपानेले बताए ।
उक्त वित्तीय साक्षरता कार्यक्रमसँगै साधना लघुवित्त बित्तीय संस्था तथा बद्रि पोलिटेक्निक प्रा.लि. गोरखाको आयोजनामा धार्चे गा.पा.वडा नं ४ लाप्राकमा स्वास्थ्य शिविर सम्पन्न गरेको छ । निःशुल्क रुपमा १ दिन संचालन भएको स्वास्थ्य शिबिरमा लाप्राकका २०० जना भन्दा बढी सदस्य तथा सदस्यहरुको अभिभावकहरुलाई स्वास्थ जाँच गरी निशुल्क औषधी वितरण गरेको छ ।
भौगोलिक दुर्गमताको बाबजुद पनि वित्तीय साक्षरता एवं स्वास्थ्य शिविर सञ्चालन गरी सामाजिक उत्तरदायित्व प्रदान गरिएको र उक्त कार्यक्रममा उत्साहजनक सहभागिता रहेको जानकारी तालिम विभाग प्रमुखसरिता ढकालले बताइन् ।
