बैंकिङ खबर/ जनउत्थान सामुदायिक लघुवित्त वित्तीय संस्थाका नवनिर्वाचित अध्यक्ष डा. मान बहादुर वीकेले आज पद तथा गोपनीयताको शपथ ग्रहण गरेका छन् । डा.वीकेले नेपाल राष्ट्र बैंक सिद्धार्थनगर कार्यालय, भैरहवा, रुपन्देहीमा कार्यालयका निर्देशक सत्येन्द्र राज सुवेदी समक्ष शपथ ग्रहण गरेका हुन् ।
संस्थाको चैत ३० गते सम्पन्न १३औँ वार्षिक साधारण सभाले संस्थापक समुहबाट डा.मान बहादुर वीके, डा. मेग बहादुर विश्वकर्मा, यज्ञ विक्रम शाही र सर्वसाधारण समुहबाट हुमा कुमारी कुँवर थापा र गुरुराज बरुवाललाई आगामी कार्यकालका लागि सर्वसम्मत चयन गरेको थियो । सञ्चालक समितिको २२०औं बैठकले समितिको अध्यक्षमा डा.मान बहादुर वीकेलाई सर्वसम्मत चयन गरेको थियो ।
