दिपेन्द्रबहादुर क्षेत्री
पूर्वगभर्नर
जेठ १५ भित्रबजेट ल्याउनुपर्ने बाध्यकारी संवैधानिक व्यवस्था नहुने हो भने बजेट पनि समयमा आउँदैनथ्यो । सरकारले ल्याएको बजेट पारित नभएको खण्डमा सरकार असफल हुने डरले दलहरुले आफ्ना सांसदलाई ह्वीप जारी गरेको छ ।
संविधानले नै जेठ १५ गते बजेट ल्याउनुपर्ने भनेको हुनाले मात्रै हामीले जाँगर चलाएर हामीले बजेट ल्याउने गरेका छौं भन्ने कुरा पुष्टि भएको छ । अहिलेको बजेट साईजमा पनि धेरै भएकोे र आर्थिक वृद्धि दरभन्दा मूल्य वृद्धि बढ्ने प्रक्षेपण भएको छ । अहिले देशको अर्थतन्त्र चालु खर्च पनि धान्न नसक्ने अवस्थामा रहेको छ । बजेटमा आर्थिक वृद्धि ६ प्रतिशत हुने भनिएको र मूल्य वृद्धि साढे ६ प्रतिशत रहेकाले अहिलेको बजेटबाट खासै नयाँ केही अपेक्षा गर्न सकिने अवस्था छैन ।
हामीले आर्जन गरेको रकमबाट चालु खर्च पनि धान्न सक्ने अवस्था बजेटको छैन । त्यसो भएको हुनाले यो त राम्रो बजेट होइन, भन्ने कुरा आयो । त्यो भन्दा पनि डरलाग्दो कुरा के छ भने पुँजीगत खर्च भनेको पुँजी निर्माण गर्ने विषय हो ।
पुँजी निर्माण गर्ने विषय नै सालभरिको हाम्रो ऋण र त्यसको व्याज तिर्नमा पुँजीगत खर्चभन्दा बढ्ता प्रस्ताव गरिएको छ भनेपछि हाम्रो बजेटले हामीलाई के दिन खोजेको भन्ने कुरा झल्किन्छ । मौद्रिक नीतिले पनि बजेटमा रहेका सबै समस्याको समाधान गर्न सक्दैन ।
