थानेश्वर पन्थी
सदाका वर्ष जस्तै गत वर्ष पनि नेपाल राष्ट्र बैंकले दशैँका अवसरमा नयाँ नोट वितरण गर्ने सूचना जारी गर्यो । म पनि सोही सूचनासँगै खुसी भए । योवर्ष पनि फेरि नयाँ नोटसँगै दशैँ रमाइलो हुने भयो भनेर ।
मेरो स्कुल पढ्दै देखिको एकजना नजिकको साथी बैंकमा काम गर्ने गर्छ । जब दशैँमा नयाँ नोटको वितरण गर्नै समाचार आउँछ म उसैलाई सम्झन्छु । ऊ ठक्टाउरी पारामा मलाई जिस्काउँछ र भन्छ, साथिलाई सम्झने भनेको त तेही नयाँ नोट चाहिनेबेलामा मात्रै त हो नि, म निशब्द हुन्छु । बस सानो मुस्कानले उत्तर दिएजस्तो गर्छु । सँधै मेरो साथिले मेरो आवश्यकता अनुसार नयाँ नोट दिने गथ्र्यो ।
खैँ किन गत वर्ष मेरो आवश्यकता अनुसार नयाँ नोट दिन सकेन तर न्यूनतम नगद उपलब्ध गरायो । सोहि समयमा सोहि बैंकमा ग्राहक सेवा कक्षमा बस्ने एकजना बहिनीले खाता खोल्न आग्रह गर्नुभयो । म पनि भर्खरै विदेशबाट फकेको हुँदा केही बचत गर्ने इच्छा पनि थियो र सोही अनुसार खाता खोले ।
आफुसँग भएको नगद त्यहि जम्मा गरे, नगद विभागमा बस्ने दिदीले मोवाइल बैंकिङ्ग बनाईदिनुभयो र डिजिटल कारोबार गर्न सिकाउनुभयो । म थोरै नया नोट पाएपनि खुसी हुँदै घर फर्किए ।
संयोग भनौँ वा सौभाग्य यो वर्ष पनि दशैँको अवसरमा घरमा आएको थिए । सानो कामले गर्दा सोही साथी भएको बैंक जाने अवसर मिल्यो । गत वर्ष बैंकमा जाँदा नयाँ नोट वितरणको निकै भिडभाड थियो । तर यो वर्ष खासै भिड देखिन र नगद विभागमा बस्ने दिदीलाई सोधे यो वर्ष नया नोट वितरण गर्नु भएन ।
दिदीले मुस्कुराउँदै भन्नुभयो यो वर्ष डिजिटल्ली नयाँ नोट वितरण रे । कुरा खासै क्लियर नभएपछि सोही साथिसँग सोध्न पुगे । साथीसँग अन्य सेवाग्राहीहरु, कनेट आइपियस लिङ्क गरिदिनुप¥यो ।
मोवाइल बैंकिङ्ग बनाइदिनुपर्यो । फेन पे बाट दक्षिण पठाउँँदा कति कमिसन आउँछ । यस्तै कुरा सोध्दै हुनुहुन्थ्यो । म पनि ठिक एक वर्ष अगाडी त्यो नगद विभागको दिदी, खाताखोल्न भन्ने ग्रहाक सेवा कक्षमा बस्ने बैनीले यसैगरी आफुलाई सिकाएको सम्झिए ।
फेरि सोही साथीले तथा बैंकका कमैचारीले डिजिटल्ली पैसा पठाउन सिकाएर मैले गत वर्ष प्राप्त गरेको इसेवा र फोनपे कमिसन सम्झिएर । मुस्कुराउँदै सबैजनालाई भने तपाई हामी त प्रविधिको प्रयोग गरौँ र गर्न सक्छौँ प्रविधिको प्रयोग गरौँ । देशले नयाँ नोट निष्काशन गर्दा हुने व्यय भार कम गरौँ नयाँ नोट त ति ग्रामीण ईलाकामा जाओस् ।जहाँ चाहेर पनि प्रविधि सम्भव छैन ।सो कुरा सुनेर शाखा प्रबन्धक दाई पनि खुसी देखिनुहुन्थ्यो र भन्दै हुनुहुन्थ्यो, यो वर्षको दशैँमा डिपोजिट रिटेन हुने भयो ।
खैँ बैंकको प्राविधिक भाषा भएको हिसावले होला मैले त्यति कुरा बुझिन् । बस मुसुक्क हाँसेर बुझेजस्तो गरे । यो वर्ष कत्तिपनि नयाँ नोट नपाए पनि खुसी भए । तेही इसेवा र फोनपे को दशैँ दक्षिण कमिसन सम्झिए । नयाँ नोट नदिने बैंकका कर्मचारीलाई धन्यावाद दिँदै घर फर्किए ।
थानेश्वर पन्थी
सैनामैना ०७ रुपन्देही
