बैंकिङ क्षेत्रमा रोजगारीको अवसरै अवसर

विन नेपाल लघुवित्तमा रोजगारी

विन नेपाल लघुवित्त वित्तीय संस्था लिमिटेडमा विभिन्न पदका लागि रोजगारी खुलेको छ । लघुवित्तले अधिकृत कनिष्ठ अधिकृतमा एकजना, बरिष्ठ सहायकमा एक जना, सहायकमा दुईजना र कनिष्ठ सहायकमा ५ जना गरी कुल ९ जना कर्मचारी माग गरेको हो ।

उक्त पदहरुका लागि संस्थाले न्युनतम एसईई उर्तिण गरेकोदेखि स्नातक तहसम्म शैक्षिक योग्यता हुनुपर्ने जनाएको छ । ईच्छुक तथा योग्यता पुगेका ब्यक्तिहरुले १५ दिनभित्र आवेदन दिनुपर्नेछ ।

कामना सेवा विकास बैंकमा रोजगारी

कामना सेवा विकास बैंकले विभिन्न पदका लागि कर्मचारीको माग गरेको छ । बैंकले अपरेशन डिपार्टमेन्टमा अफिसर लेभलका लागि केही डिजिटल अपरेशनमा सिनियर असिस्टेन्ट लेभलका लागि केही, ब्रान्च म्यानेजरमा जुनियर अफिसरदेखि अफिसरसम्मका लागि केही, असिस्टेन्ट रिलेशनसिप म्यानेजरमा असिस्टेन्टदेखि सुपरभाइजरका लागि केही, कन्ट्राय्क्टल स्टाफका लागि केही कर्मचारीको माग गरेको हो । बैंकले आफ्नो उपत्यकाभित्र तथा बाहिरका विभिन्न शाखा कार्यालयका लागि कर्मचारीको माग गरेको हो । ईच्छुक तथा योग्यता पुगेकाले असोज १३ गतेभित्र आवेदन दिनुपर्नेछ ।

साधना लघुवित्तमा रोजगारी

साधना लघुवित्त वित्तीय संस्था लिमिटेडमा रोजगारीको अवसर खुलेको छ। संस्थाले भदौ२८ गते एक सूचना प्रकाशित गर्दै विभिन्न पदका लागि ठूलो संख्यामा कर्मचारी मागेको हो । संस्थाले वरिष्ठ अधिकृत/अधिकृत, सहायक अधिकृत (आन्तरिक लेखापरीक्षण विभाग), अधिकृत/सहायक अधिकृत (अनुगमन तथा सुपरिवेक्षण विभाग), सुपरभाईजर/वरिष्ठ सहायक, सहायक/कनिष्ठ सहायक र व्यवस्थापन प्रशिक्षार्थी/सहायक प्रशिक्षार्थीमा केही संख्यामा कर्मचारी माग गरेको छ । योग्यता पुगेका इच्छुक व्यक्तिले आवश्यक कागजात संकलन गरी सूचना प्रकाशित भएको मिति (भदौ २८ गते) ले १५ दिन भित्र आवश्यक कागजात संकलन गरी लघुवित्तको वेबसाइट www.sadhanalaghubitta.com मार्फत आवेदन दिन सकिने संस्थाले जनाएको छ ।

राष्ट्रिय वाणिज्य बैंकमा खुल्यो जागिर

राष्ट्रिय वाणिज्य बैंकमा रोजगारी खुलेको छ । बैंकले ११ जना विशेषज्ञ चार्टस एकाउन्टेन्ट माग गरेको हो ।

उपकार बचत तथा ऋण सहकारी संस्थामा रोजगारी

उपकार बचत तथा ऋण सहकारी संस्थामा रोजगारी खुलेको छ । संस्थाले सहायक प्रबन्धक, सहायक, बजार प्रतिनिधिमा कर्मचारी माग गरेको हो । 

एनआईसी एशिया लघुवित्तमा रोजगारी

एनआईसी एशिया लघुवित्त वित्तीय संस्था लिमिटेडमा रोजगारीको अवसर खुलेको छ । संस्थाले भाद्र २६ गते एक सुचना प्रकाशित गर्दै विभिन्न पदहरुमा कर्मचारी माग गरेको हो ।

संस्थाले IT Manager (सहायक प्रबन्धक) १ जना, ISO(Information Security Officer)- (बरिष्ठ अधिकृत) १ जना, Digital Integration and Development officer(अधिकृत) १ जना, Database Administrator/MIS Developer (कनिष्ठ अधिकृत) १ जना, सहायक प्रबन्धकः मानव संसाधन विभाग १ जना, कनिष्ठ अधिकृतःमानव संसाधन विभाग १ जना र कनिष्ठ अधिकृत : Social Development, Corporate Communication and Branding एक जना गरी सात जना कर्मचारी माग गरेको छ ।

उमेर पुगेका इच्छुक व्यक्तिहरुले सूचना प्रकाशित भएको मितिले १५ दिन(असोज ९ गते) भित्रमा आफुले काम गर्न चाहेको पद, उमेर, अनुभव, सम्बन्धित पदका लागि तोकिएको शैक्षिक योग्यता, आफुलाई राम्रोसँग चिन्ने कुनै दुई व्यक्तिको नाम सम्पर्क नम्बर तथा इमेल ठेगाना लगायतका विवरणहरु उल्लेख गरिएको बायोडाटा संलग्न गरी संस्थाको वेभसाईट http:nicasialaghubitta.com/careers बाट आवेदन दिन सकिने संस्थाले जनाएको छ ।