बैंकिङ खबर/ प्रभु इन्स्योरेन्स कम्पनीको गत आर्थिक वर्ष २०७८÷ ७९ को चौथो त्रैमासको वित्तीय विवरण प्रकाशन भएको छ । कम्पनीले प्रकाशन गरेको वित्तीय विवरण अनुसार कम्पनीको खुद बीमा शुल्क आर्जन र जगेडा कोषमा गिरावट देखिएको छ । यस अवधिसम्ममा कम्पनीले २३ करोड ७६ लाख रुपैयाँ नाफा कमाएको छ । अघिल्लो आर्थिक वर्षको सोही अवधिमा कम्पनीले २३ करोड ३२ लाख रुपैयाँ नाफा कमाएको थियो । अघिल्लो आर्थिक वर्षको सोही अवधिको तुलनामा कम्पनीको नाफा १ दशमलव ८८ प्रतिशतले बढी हो ।
१ अर्ब २८ करोड रुपैयाँ चुक्ता पूँजी भएको कम्पनीको जगेडा कोषमा २२ करोड ९३ लाख रुपैयाँ संचिती रहेको छ । अघिल्लो आर्थिक वर्षको तुलनामा कम्पनीको जगेडा कोषको आकार घटेको हो । अघिल्लो आर्थिक वर्षको सोही अवधिमा कम्पनीको जगेडा कोषमा २६ करोड ५७ लाख रुपैयाँ थियो । यस अवधिमा कम्पनीको बीमा कोषमा ९४ करोड ५१ लाख रुपैयाँ रहेको छ ।
कम्पनीले ५१ करोड ९३ लाख रुपैयाँ खुद बीमा शुल्क आर्जन गरेको छ । अघिल्लो आर्थिक वर्षको सोही अवधिमा कम्पनीले ५५ करोड ६५ लाख रुपैयाँ खुद बीमा शुल्क आर्जन गरेको थियो । जुन अघिल्लो आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ७ प्रतिशतले कमी हो ।
कम्पनीले यस अवधिमा १९ करोड ९० लाख रुपैयाँ खुद दाबी भुक्तानी गरेको छ । अघिल्लो आर्थिक वर्षको सोही अवधिमा कम्पनीले २० करोड ३९ लाख रुपैयाँ खुद दाबी भुक्तानी गरेको थियो ।
यस अवधिमा कम्पनीको प्रतिशेयर आम्दानी १८ रुपैयाँ रहेको छ । प्रतिशेयर नेटवर्थ १९८ रुपैयाँ रहेको छ । यस अवधिमा कम्पनीले ४९ करोड ९ लाख रुपैयाँ कुल दाबी भुक्तानी गरेको छ । यस अवधिमा भुक्तानी हुन बाँकी दाबी रकम ४९ करोड ३४ लाख रुपैयाँ रहेको छ ।
