November 27th, 2021

गुराँस लाइफको ११औं वार्षिक साधारणसभा सम्पन्न

बैंकिङ खबर।

गुराँस लाइफ इन्स्योरेन्स कम्पनी लिमिटेडको ११औं वार्षिक साधारणसभा शुक्रबार सम्पन्न भएको छ। कम्पनीको प्रधान कार्यालय, श्रीराज भवन, तिनकुने, काठमाडौंमा भिडियो कम्फ्रेन्सको माध्यमबाट साधारणसभा सम्पन्न भएको हो।

साधारणसभाले संचालक समितिले सिफारिस गरे बमोजिम आ.व. २०७५/०७६ को मुनाफाबाट हाल कायम चुक्तापुँजी रु. १ अर्ब ९७ करोड ८५ लाख ८४ हजार ६०० को ५.५० प्रतिशतले हुन आउने रकम रु. १० करोड ८६ लाख ६५ हजार ४०० (अक्षरुपी दश करोड छयासी लाख पैंसठ्ठी हजार चार सय मात्र।) बराबरको बोनस शेयर जारी गर्ने र सो मा लाग्ने कर वापत ०.२८९४ प्रतिशत रु. ५७ लाख १९ हजार २३१.५७ (अक्षरुपी सन्ताउन्न लाख उन्नाइस हजार दुई सय एकतिस र सन्ताउन्न पैसा मात्र ।) नगद लाभांश (कर प्रयोजनका लागि मात्र) वितरणको प्रस्ताव पारित गरेको छ।

बोनस शेयर वितरण गर्दा हुन आउने दशमलव पछिको अंक Fraction Share शेयर र पहिला यथावत कायम रहेको दशमलब पछिको अंक Fraction Share शेयर समेत थप गर्दा १ कित्ता शेयर दिन सकिने भएमा सो दिई बाँकी रहन आउने दशमलबपछिको अंक Fraction Share शेयरलाई यथावत राख्ने प्रस्तावसमेत पारित गरेको छ।

बोनस शेयर जारी पश्चात् बृद्धि हुन आउने अधिकृत, जारी तथा चुक्ता पुँजीलाई सोही अनुरुप बृद्धि गरि कम्पनीको प्रबन्धपत्र तथा नियमावलीमा आवश्यक संशोधन गर्ने, संचालक समितिका अध्यक्ष तथा संचालकहरुको बैठक भत्ता बृद्धि गर्ने तथा दैनिक भ्रमण भत्ता तोकी कम्पनीको नियमावलीमा संशोधन गर्ने, कम्पनीको प्रबन्धपत्र तथा नियमावलीमा प्रस्ताव भए बमोजिम संशोधन एवं स्वीकृतिको लागि नियमनकारी निकायले कुनै हेरफेर, संशोधन वा थपघट गर्न निर्देशन दिएमा सो बमोजिम आवश्यक संशोधन गर्न संचालक समितिलाई सम्पूर्ण अख्तियारी प्रदान गर्ने प्रस्ताव पारित गरेको छ।


[DISPLAY_ULTIMATE_SOCIAL_ICONS]