व्यवस्थापिका संसदको बिहीबारको बैठकले अर्थमन्त्रालय सम्बद्ध चारवटा विधेयकहरुलाई पारित गरेको छ । बैठकले “कर्मचारी संचय कोष (नवौं संशोधन) विधेयक, २०७३”, “लेखा परिक्षण (पहिलो संशोधन) विधेयक, २०७३”, “नेपाल राष्ट्र बैंक (दोस्रो संशोधन) विधेयक, २०७३” तथा “निक्षेप तथा कर्जा सुरक्षण कोष विधेयक, २०७३”लाई पारित गरेको हो । संसदको बिहीबारको बैठकमा उपप्रधान एवं अर्थमन्त्री महराले उक्त ४ विधेयकहरुलाई पारित गरियोस् भनी प्रस्ताव प्रस्तुत गरेका थिए भने बैठकले कर्मचारी संचयकोष विधेयकलाई सर्वसम्मतीले तथा अन्यलाई बहुमतले पारित गरेको हो । संसद बैठक भदौ २० गते दिउँसो १ बजेसम्मका लागि स्थगित गरिएको छ ।
