नेपाल राष्ट्र बैकले विदेशी मुद्रामा खाता खोल्ने नेपालीले बर्षभरीमा खर्च गर्न पाउने रकममा ५ हजार बढाएको छ । राष्ट्र बैंकले त्यस्तो रकम अब १५ हजार रुपैयाँ अमेरिकी डलरसम्म खर्च पाउने गरी व्यवस्था संशोधन गरेको हो । यसअघि बार्षिक १० हजार अमेरिकी डलर मात्रै खर्च गर्न पाउने ब्यवस्था थियो । यो व्यवस्था आइतबारबाट लागु भएको राष्ट्र बैंकको विदेशी मुद्रा विनिमय विभागले जनाएको छ । विभागका अनुसार विदेशी मुद्रा आर्जन गर्ने नेपालीले नेपालमा बैंकमा खाता खोलेर विदेशी मुद्रा जम्मा गर्न प्रोत्साहन गर्ने उद्देश्यले यस्तो व्यवस्था गरिएको हो । यो पासपोर्ट एक्सचेन्जबाहेकको सुविधा हो । भिसा लागेको पासपोर्टको आधारमा प्रत्येक नेपालीले २ हजार ५ सय अमेरिकी डलर खर्च गर्ने सुविधा पाउँछ । विदेशी मुद्रामा खाता खोल्ने नेपालीलाई दिइएको यो थप सुविधा हो । राष्ट्र बैंकका अनुसार थप सुविधा रकमवाट नेपालीले विदेशवाट बस्तु तथा सेवा खरिद गर्न पाउनेछन् ।
