नेपालमा सोमवार थप ५३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता बिकास देबकोटाले थप ५३ जनामा कोरोना संक्रमण भएको जानकारी दिनुभएको हो । आज कोरोना देखिएका संक्रमितहरु १८ वर्ष देखि ४६ वर्ष समुहका रहेको स्वास्थ तथा जनसंख्या मन्त्रालयले जनाएको छ । मन्त्रालयका अनुसार नेपालमा कुल संक्रमितमध्ये २ सय ९८ पुरुष र ५९ जना महिला रहेका छन् । यो सँगै संक्रमितको संख्या ३५७ पुगेको छ ।
संक्रमित मध्ये हालसम्म ३६ जना निको भएका छन् भने २ जनाको मृत्यु भएको छ ।
