आज थप ७ जनामा कोरोना पुष्टि, कुल संक्रमितको संख्या ८२ पुग्यो

नेपालगञ्जमा थप सात जनामा कोरोना संक्रमण पुष्टि भएको छ । मंगलबार स्वास्थ्य मन्त्रालयले दिएको जानकारी अनुसार कूल संक्रमितको संख्या ८२ पुगेको हो । आज चार जना महिला र तीन जना पुरुषमा संक्रमण पुष्टि भएको देखिएको छ । हाल सातै जनाको स्वास्थ्य अवस्था सामान्य रहेको मन्त्रालयको भनाई छ । अहिलेसम्म नेपालगञ्जमा संक्रमितको संख्या २३ पुगेको छ भने नेपालभरमा ८२ पुगेको छ ।