मङ्गलबार पनि सुन महङ्गिएको छ । साताको सुरुको दिनदेखि नै बढिरहेको सुनको भाउ मंगलबार पनि बढेको हो । आइतबार र सोमबार २/२ सय रुपैँया प्रतितोलाका दरले बढेको सुनको भाउ मंगलबार ३ सय रुपैँया प्रतितोलाका दरले बढेको नेपाल सुनचाँदी व्यवसायी महासंघले जनाएको छ ।
महासंघका अनुसार मंगलबार छापावाल सुन तोलाको ५६ हजार ६ सय रुपैँयाका दरले कारोबार भइरहेको छ भने तेजाबी सुन तोलाको ५६ हजार ३ सय ५० रुपैँयाका दरले कारोबार भइरहेको छ । यसअघि सोमबार छापावल सुन तोलाको ५६ हजार ३ सय रुपैँयाका दरले कारोबार भएको थियो भने तेजावी सुन तोलाको ५६ हजार ५० रुपैँयाका दरले कारोबार भएको थियो ।
चाँदीको मूल्य भने मंगलबार पनि स्थिर रहेको छ । साताको आइतबार ५ रुपैँया प्रतितोलाका दरले बढेर सोमबार स्थिर रहेको चाँदीको मूल्य मंगलबार पनि स्थिर नै रहेको छ । महासंघका अनुसार, चाँदी तोलाको ७ सय ९० रुपैँयाको दरले नै कारोबार भइरहेको छ ।
