बैंकिङ खबर। नेपाल राष्ट्र बैंकले एक सय रुपैयाँ दरको ४० करोड थान नयाँ नोट डिजाइन तथा छपाई गर्न वेलायतको कम्पनीसँग सम्झौता गरेको छ । राष्ट्र बैंक मुद्रा व्यवस्थापन विभागले जारी गरेको सूचना अनुसार गत माघ १६ गते प्रकाशित गरेको बोलपत्र आवहानमा परेका बोलपत्रहरुको आधारमा वेलायतको De La Rue International Limited छनोट भएको जनाएको हो । बैंकले उक्त कम्पनीसँग ८० लाख ७२ हजार पाउण्ड स्टरलिङ बराबरको नोट डिजाइन, छपाई तथा आपूर्ती गर्ने सम्झौता गरेको जनाएको हो । केन्द्रिय बैंकले पुराना नोट विस्थापित गरी नयाँ नोट प्रयोगमा ल्याउन नयाँ कम्पनी मार्फत नोट डिजाइन, छपाई र आपूर्तीको काम सुरु गरेको हो ।
