बैंकिङ खबर। नेपाल राष्ट्र बैंकबाट राष्ट्रिय स्तरको लघुवित्त वित्तीय संस्थाको अनुमति पाएको वोमी लघुवित्त वित्तीय संस्थाले धादिङ्गको धुनिबेशी नगरपालिका स्थित शाखा कार्यालयका २६ जना सदस्यहरुलाई व्यवसायिक फुलमाला र व्याच बनाउने तालिम दिएको छ ।
तालिममा प्रशिक्षक अस्मीता आचार्यले प्रयोगात्मक रुपमा तालिम प्रदान गरेकी थिइन् । तालिमबाट सिकेको सिपको सही सदुपयोग गरी सदस्यहरुले राम्रो आम्दानी गर्ने विश्वास लघुवित्तको छ ।
खानीखोला, धादिङ्गका शाखा प्रमुख मदन भोम्जनले आयस्तर बढाउन तालिमले सहयोग पु-याउने बताए । एरीया प्रमुख बिमल कोइरालाले सानो लगानीबाट सिकेको सिप उपयोग गर्न सकेमा फाइदा पुग्ने बताए ।
वोमी लघुवित्त वित्तीय संस्थाको हालसम्म देशका विभिन्न ३२ जिल्लामा ४१ वटा शाखा कार्यालयहरु सञ्चालनमा रहेका छन् । लघुवित्तले कृषकहरुलाई समुहमा आवद्ध गराई बिना धितो तथा धितो कर्जा लगानी गरी कार्यक्रम सञ्चालन गर्दै आएको छ ।