Banking Khabar
ट्रेन्डिङ: वित्तीय अपराध जेन्जी पुस्ता अन्तर्राष्ट्रिय बैंकिङ भारतीय बैंकिङ हाइलाइट राष्ट्र बंक बैंक-वित्त इन्स्योरेन्स
लघुवित्त

उन्नति माइक्रोफाइनान्सले बोनस वितरण पछि हकप्रद शेयर विक्री गर्ने 

२०७५ माघ २७ गते

 बैंकिङ खबर। भैरहवामा केन्द्रिय कार्यालय रहेको उन्नति माइक्रोफाइनान्स वित्तीय संस्थाले शनिवार चौथो बार्षिक साधारणसभा सम्पन्न गरेको छ । साधारणसभाले पाँच वटा सामान्य र सात वटा विशेष प्रस्ताव पास गरेको लघुवित्तका प्रमुख कार्यकारी अधिकृत प्रेम बहादुर पाठकले जानकारी दिए । 

साधारणसभाले ४० दशमलव ५० प्रतिशत बोनस शेयर र २० प्रतिशत हकप्रद शेयर जारी गर्ने भएको छ । त्यस्तै २ दशमलव १३ प्रतिशत बोनस शेयरमा लाग्ने कर प्रयोजनका लागि नगद लाभांश समेत स्वीकृत गरेको छ । 

लघुवित्तले हालसमम ४४ करोड ५१ लाख निक्षेप संकलन गरी १ अर्ब ३६ करोड कर्जा प्रवाह गरेको छ । लघुवित्तले विभन्नि ठाउँमा ३९ वटा शाखा कार्यालयबाट सेवा प्रवाह गर्दै आएको छ । 

लघुवित्तमा २८ हजार भन्दा बढी विपन्न परिवारको संलग्नता रहेको छ । लघुवित्तले बोनस शेयर वितरण र हकप्रद शेयर विक्री गरेपछि ८ करोड ८२ लाख ७५ हजार चुक्तापूँजी पुग्ने जनाएको छ । अहिले लघुवित्तको चुक्तापूँजी ५ करोड ५० लाख रहेको छ । 
 

Ad