निजी क्षेत्रको निर्जीवन बीमा कम्पनी नेको इन्स्योरेन्स कम्पनी लिमिटेडले चालु आवको तेस्रो त्रैमासमा १२ करोड ८८ लाख रुपैयाँँ खुद मुनाफा आर्जन गरेको छ । कम्पनीले गत आर्थिक वर्षको सोही अवधिको तुलनामा ८२ दशमलव ८५ प्रतिशत बढी नाफा कमाएको हो । गत आर्थिक वर्षको तेस्रो त्रैमासमा नेकोले सात करोड रुपैयाँ खुद मुनाफा आर्जन गरेको थियो ।
३२ करोड ४० लाख रुपैयाँ चुक्ता पुँजी भएको कम्पनीले जगेडाकोषमा १७ करोड ५३ लाख रुपैयाँ र बीमाकोषमा २४ करोड ४५ लाख रुपैयाँ राखेको छ । कम्पनीको आम्दानी ८१ दशमलव ३५ प्रतिशत बढेर २१ करोड ४१ लाख रुपैयाँ पुगेको छ भने खर्च ७७ दशमलव ०८ प्रतिशतले बढेर ८ करोड ५३ लाख रुपैयाँ पुगेको छ ।
कम्पनीले बीमा शुल्कवापत ५८ करोड पाँच लाख रुपैयाँ आर्जन गरेको छ भने १४ करोड दुई लाख रुपैयाँ बराबरको दाबी भुक्तान गरेको छ । यो अवधिमा नेको इन्स्योरेन्सले एक लाख ५० हजार एक सय ६४ वटा बीमा लेख जारी गरेको छ भने दुई हजार एक सय ९१ वटा दाबी भुक्तान गरेको छ ।
कम्पनीको प्रतिसेयर आम्दानी वार्षिक ५३ रुपैयाँ, प्रति सेयर नेटवर्थ दुई सय ९१ दशमलव १६ रुपैयाँ र मुल्य आम्दानीको अनुपात २३ दशमलब ५४ गुणा रहेको छ ।
